Íslenska karlalandsliðið í fótbolta mætir Eistlandi í vináttuleik í Katar kl. 16:45 að íslenskum tíma. Erik Hamrén landsliðsþjálfari er búinn að opinbera byrjunarliðið og gerir hann sjö breytingar á liðinu frá 2:2-jafnteflinu við Svíþjóð á föstudag.
Birkir Már Sævarsson, Hjörtur Hermannsson, Óttar Magnús Karlsson og Guðmundur Þórarinsson halda sæti sínu í byrjunarliðinu. Ingvar Jónsson kemur í markið í stað Frederiks Schram og Davíð Kristján Ólafsson spilar sinn fyrsta landsleik.
Hinn 19 ára gamli Kolbeinn Birgir Finnsson fær m.a. tækifæri til að sýna sig og sanna. Kolbeinn kom inn á sem varamaður gegn Svíþjóð. Jón Dagur Þorsteinsson skoraði jöfnunarmarkið gegn Svíþjóð og er hann verðlaunaður með sæti í byrjunarliðinu.
Byrjunarlið Íslands:
Ingvar Jónsson
Birkir Már Sævarsson
Hjörtur Hermannsson
Axel Óskar Andrésson
Davíð Kristján Ólafsson
Kolbeinn Birgir Finnsson
Aron Elís Þrándarson
Guðmundur Þórarinsson
Jón Dagur Þorsteinsson
Hilmar Árni Halldórsson
Óttar Magnús Karlsson