Dregið verður til 32-liða úrslitanna í Mjólkurbikarkeppni karla í knattspyrnu í höfuðstöðvum KSÍ klukkan 15 í dag.
Öll tólf liðin í Pepsi Max-deildinni verða í pottinum í dag og átta lið úr Inkasso-deildinni en Víkingur Ólafsvík, Þór Akureyri, Leiknir Reykjavík og Haukar féllu úr leik í fyrstu umferðinni.
Stjarnan á titil að verja en Garðabæjarliðið vann Breiðablik í úrslitaleiknum á síðustu leiktíð þar sem úrslitin réðust í vítaspyrnukeppni.