Hættir með kvennalandsliðið
Setja bókamerki
Jón Þór Hauksson, landsliðsþjálfari íslenska kvennalandsliðsins í knattspyrnu, lætur af störfum sem þjálfari liðsins í dag samkvæmt heimildum mbl.is.
Von er á tilkynningu frá Knattspyrnusambandinu, KSÍ, síðar í dag en mikið hefur gustað í kringum kvennalandsliðið undanfarna daga.
Liðið tryggði sér sæti á lokakeppni EM 2022 í síðustu viku eftir 1:0-sigur gegn Ungverjalandi í Búdapest í lokaleik sínum í undankeppninni.
Ísland komst beint í lokakeppnina sem eitt þriggja liða með bestan árangur í öðru sæti undankeppninnar en enginn þjálfari í sögu kvennalandsliðsins er með betra sigurhlutfall í starfi en Jón Þór.
Þjálfarinn fór hins vegar yfir strikið í fagnaðarlátunum í Búdapest eftir að liðið hafði tryggt sæti sitt á EM en það var fótbolti.net sem greindi fyrst frá þessu.
Þar lét hann óviðeigandi ummæli falla í garð leikmanna liðsins sem sneru að getu þeirra á vellinum, sum þeirra fyrir framan allan leikmannahópinn, eftir að hafa neytt áfengis í óhóflegu magni.
Jón Þór tók við kvennalandsliðinu í október 2018 og var Ian Jeffs ráðinn aðstoðarþjálfari liðsins á sama tíma. Þeir munu báðir stíga til hliðar samkvæmt heimildum mbl.is.
„Höfum ekki náð að skríða upp úr þeirri gryfju“
Vonast til að tjaldbúðir við HÍ standi áfram
Sex hafa greinst með listeríu
Kaldasti veturinn kom að óvörum
Frambjóðendur skila inn listum í Hörpu
Gígbarmurinn hækkað frá því í gær
Skar höfuðleðrið af íslenskri konu
Hvorki sést áður hér á landi né annars staðar