Búið er að fresta nokkrum kappleikjum á Englandi í knattspyrnu vegna hressilegs frosts, sem hefur gert suma velli gaddfreðna og óleikhæfa.
Um er að ræða leiki í neðri deildunum, en meðal annars er leikur Eggerts Gunnþórs Jónssonar og félaga hjá Fleetwood gegn Rochdale í C-deildinni frestað vegna frosts. Þá hefur verið frestað leik Accrington og Portsmouth sömuleiðis vegna gaddfreðins vallar.
Á meðfylgjandi myndum má sjá hvernig völlurinn hjá Rochdale lítur út, en þar átti Eggert Gunnþór að spila.
PHOTOS: The scene at a bitterly cold Spotland #RAFC pic.twitter.com/sSr3UI4ylb
— Rochdale AFC (@officiallydale) January 16, 2016