„Erum næstum því komnir áfram“

„Frábær úrslit og við erum næstum því komnir í átta liða úrslitin,“ sagði Pep Guardiola, knattspyrnustjóri Manchester City eftir 4:0 sigur sinna  manna gegn Basel á útvelli í fyrri leik liðanna í 16-liða úrslitum Meistaradeildarinnar.

„Leikirnir í útsláttarkeppni Meistaradeildarinnar eru alltaf í 180 mínútur og við tökum því síðari leikinn alvarlega.

Það er enn þá febrúar og í úrvalsdeildinni erum við í frábærri stöðu, við erum næstum því komnir í átta liða úrslitin í Meistaradeildinni og á mánudaginn eigum við möguleika á að komast í átta liða úrslitin í bikarkeppninni. En við tökum bara einn leik í einu,“ sagði Guardiola.

• Blogga um frétt