Sigur Sevilla gegn Manchester United í Meistaradeildinni á Old Trafford í gærkvöld var fyrsti sigur hjá spænsku liði gegn ensku í Meistaradeildinni í níu tilraunum á þessu tímabili.
Spænsku liðin hafa hins vegar haft gott tak á þeim ensku þegar komið er út í útsláttarkeppni í Meistaradeildinni. Í síðustu 18 rimmum hafa spænsku liðin 14 sinnum komist áfram.
Á síðustu árum eru það bara Chelsea, Liverpool, Arsenal og Leicester City sem hafa haft betur gegn spænskum liðum í útsláttarviðureignum í Meistaradeildinni.