Meiðsli Lallana ekki alvarleg

Adam Lallana, knattspyrnumaður hjá Liverpool, er ekki alvarlega meiddur. Miðjumaðurinn þurfti að draga sig úr landsliðshóp Englendinga á dögunum vegna meiðsla í nára. 

Enska landsliðið leikur gegn Spánverjum í þjóðadeildinni á laugardaginn kemur og vináttuleik við Sviss þremur dögum síðar og tekur Lallana ekki þátt í landsliðsverkefnunum vegna meiðslanna.

Hann verður hins vegar klár í útileik Liverpool gegn Tottenham í ensku úrvalsdeildinni á laugardaginn eftir viku. „Þetta eru smávægileg meiðsli á óheppilegum tíma. Sem betur fer er þetta ekki alvarlegt,“ sagði Lallana í samtali við Sky Sports. 

• Blogga um frétt