Gylfi prýðir forsíðu á leikskrá Everton

Gylfi Þór Sigurðsson fagnar marki gegn Fulham.
Gylfi Þór Sigurðsson fagnar marki gegn Fulham. Ljósmynd/Evertonfc.com

Gylfi Þór Sigurðsson prýðir forsíðu á leikskrá Everton fyrir leikinn gegn Crystal Palace en liðin eigast við í ensku úrvalsdeildinni á Goodison Park á sunnudaginn.

Gylfi hefur verið í miklu stuði með Everton-liðinu í síðustu leikjum og hefur skorað þrjú mörk í síðustu tveimur leikjum liðsins. Hann skoraði tvö í 3:0 sigri á móti Fulham og hann tryggði svo sínum mönnum 2:1 útisigur gegn Leicester með frábæru marki.

Everton endurheimtir Yerry Mina, James McCarthy og André Gomes fyrir leikinn á móti Crystal Palace en þeir hafa verið frá keppni vegna meiðsla og hafa ekkert komið við sögu á tímabilinu.

Gylfi ungur að árum fyrir utan Goodison Park.
Gylfi ungur að árum fyrir utan Goodison Park. Ljósmynd/twitter-síða Everton
Gylfi Sigurðsson á forsíðu leikskrár Everton.
Gylfi Sigurðsson á forsíðu leikskrár Everton. Ljósmynd/twitter-síða Everton
mbl.is
Fleira áhugavert
Fleira áhugavert