Jordan Nobbs, leikmaður Arsenal og enska landsliðsins, gæti misst af lokakeppni HM í knattspyrnu eftir að hafa slitið krossband.
HM kvenna hefst í júní í Frakklandi og væntanlega verður Nobbs í kapphlaupi við tímann. Ekki er búist við því að hún spili meira með Arsenal á tímabilinu.
Nobbs hefur leikið 56 A-landsleiki fyrir England og er varafyrirliði liðsins og auk þess fyrirliði Arsenal.
„Ég er sorgmædd í augnablikinu en get ekki fullþakkað knattspyrnuáhugafólki fyrir skilaboðin og stuðninginn,“ skrifaði Nobbs á samfélagsmiðlum.