United undirbýr nýtt tilboð í Wan-Bissaka

Manchester United er ekki búið að gefa það upp á bátinn að kaupa knattspyrnumanninn unga Aaron Wan-Bissaka af Crystal Palace, þrátt fyrir að tilboði félagsins hafi verið hafnað á dögunum. Forráðamenn United eru nú sagðir undirbúa annað tilboð.

Frétt af mbl.is

Palace hafnaði stóru tilboði United

Wan-Bissaka lék mjög vel með Palace á síðustu leiktíð en hann er af mörgum talinn einn efnilegasti bakvörður Englands. Hann er 21 árs gamall og lék 35 leiki í úrvalsdeildinni síðasta vetur.

Þá er hann samningsbundinn Palace til ársins 2022 og var félagið sagt hafa hafnað tilboði upp á 40 milljónir punda frá United um helgina. Samkvæmt heimildum Sky Sports ætlar United að reyna aftur við kappann með nýju tilboði en Palace er sagt vilja um 60 milljónir fyrir hann.

• Blogga um frétt