Gylfi Þór Sigurðsson og samherjar hans hjá Everton unnu góðan 1:0-sigur á Brighton á heimavelli í ensku úrvalsdeildinni í fótbolta í dag.
Gylfi átti þátt í sigurmarkinu sem Richarlison skoraði í fyrri hálfleik, en Gylfi hóf sóknina með því að senda á Brasilíumanninn. Örfáum sendingum og einu skoti síðar leit sigurmarkið dagsins ljós.
Svipmyndir úr leiknum má sjá í spilaranum hér fyrir ofan, en mbl.is færir ykkur efni úr enska boltanum í samvinnu við Símann sport.