United að vinna kapphlaupið

Manchester United er að vinna kapphlaupið um að kaupa Kalidou Koulibaly, miðvörðinn stæðilega frá Napoli, en fjögur önnur lið úr ensku úrvalsdeildinni hafa áhuga á Senegalanum.

Samkvæmt heimildum The Mirror hafnaði Napoli risatilboði frá United síðasta sumar og keypti enska félagið að lokum Harry Maguire frá Leicester á metfé. Napoli hefur hins vegar gengið illa í ítölsku deildinni í vetur og er Koulibaly nú sagður vera tilbúinn til að róa á önnur mið.

Senegalinn, sem er 27 ára gam­all, hef­ur verið einn besti varn­ar­maður ít­ölsku deild­ar­inn­ar í nokk­ur ár og hafa mörg af stærstu liðum Evr­ópu verið á hött­un­um eft­ir hon­um. Arsenal, Tottenham og Chelsea eru öll sögð hafa áhuga en samkvæmt Il Mattino, íþróttamiðli í Napoli, er United að vinna það kapphlaup sem stendur. Manchester-liðið er talið þurfa að punga út um 80 til 90 millj­ón­um punda fyr­ir Kouli­ba­ly.

• Blogga um frétt