Margrét Lára Viðarsdóttir og Magnús Már Einarsson ræddu við Tómas Þór Þórðarson í Vellinum um afar öflugan sigur Wolves á Tottenham í ensku úrvalsdeildinni í dag.
Wolves vann 3:2 sigur á Tottenham eftir að hafa lent undir tvívegis í leiknum en liðið hefur nú 42 stig í 6. sætinu, jafn mörg og Manchester United, og þremur minna en Chelsea sem er í 4. sæti, sem veitir þátttökurétt í Meistaradeild Evrópu.
„Messi á Molineux. Það stuðlar líka. Það er ekkert að því,“ sagði þáttastjórnandinn Tómas Þór Þórðarson, um möguleikann á því að Wolves verði í Meistaradeild Evrópu á næstu leiktíð en liðið leikur á Molineux-vellinum í Wolverhampton.
Innslagið má sjá í spilaranum hér að ofan en mbl.is færir ykkur efni úr enska fótboltanum í samvinnu við Símann sport.