Þrátt fyrir að Mesut Özil sé heimsklassa knattspyrnumaður á hann enga framtíð hjá Arsenal að sögn Andrei Arshavin, sem á sínum tíma var í miklu uppáhaldi hjá stuðningsmönnum félagsins.
Özil hefur spilað 254 leiki með Arsenal og skorað í þeim 44 mörk og unnið enska bikarinn með liðinu þrisvar sinnum síðan hann kom frá Real Madríd 2013. Samningur Þjóðverjans rennur út næsta sumar og á Arshavin ekki von á að félagið semji við hann á ný.
„Ég ber mikla virðingu fyrir Özil en hann hægir of mikið á leiknum. Ég væri til í annan leikmann og ég sé hann ekki eiga framtíð hjá félaginu. Hann hefur bætt sig eftir að Arteta tók við, en hann mun eflaust yfirgefa Arsenal fljótlega,“ sagði Rússinn.