Brasilíski knattspyrnumaðurinn Willian vill vera áfram á Englandi á næstu leiktíð, en samningur hans við Chelsea rennur út í sumar. Félagið og leikmaðurinn hafa rætt um nýjan samning en ekki komist að samkomulagi.
Willian hefur þegar boðist til að halda áfram að spila með Chelsea, jafnvel þótt tímabilið verði ekki búið þegar samningurinn hans rennur út.
„Samningurinn minn rennur út í júlí og ef ég þarf að spila eftir að hann rennur út er það ekkert mál. Félagið hefur alltaf staðið vel við bakið á mér, sagði Willian við Esporte Interativo í heimalandinu á dögunum.
Í dag ræddi hann svo við ESPN í Brasilíu. „Ég vill vera áfram á Englandi en ég útiloka ekki aðrar deildir. Ég er orðinn mjög vanur lífinu á Englandi. Ég byrja á því að klára þetta tímambil með Chelsea,“ sagði Willian.