Manchester United hefur fulla burði til að verða eitt af þremur bestu kvennaliðum Englands og jafnvel eitt af stóru liðunum í Evrópu samkvæmt knattspyrnustjóranum Casey Stoney sem stýrir kvennaliðinu.
Kvennalið United hafnaði í fjórða sæti ensku úrvalsdeildarinnar á síðustu leiktíð en þetta var fyrsta tímabil félagsins í efstu deild eftir að það var stofnað fyrir tveimur árum. Chelsea, Manchester City og Arsenal hafa verið sterkustu lið ensku kvennadeildarinnar undanfarin ár og skipað efstu þrjú sætin á hverju tímabili síðan 2014. United kom sér upp úr B-deildinni á sínu fyrsta ári og var alls ekki langt undan stóru liðanna í frumraun sinni í efstu deild.
„Ég er metnaðarfull og leikmennirnir líka. Ég skil væntingarnar frá stuðningsmönnum, við erum Manchester United en þetta er líka bara þriðja árið okkar sem lið. Ég hef trú á því að við getum orðið eitt besta liðið í Evrópu, það er langtímamarkiðið,“ sagði Stoney við Sky Sports.