Arsenal er ekki nálægt því að klófesta franska miðjumanninn Houssem Aouar frá Lyon en Lundúnaliðið bauð um 30 milljónir punda í leikmanninn á dögunum.
Aouar er 22 ára og hefur alla tíð leikið með Lyon í heimalandinu en hann þykir einn besti ungi leikmaður Evrópu, hefur skorað 16 mörk í 99 leikjum fyrir franska liðið. Forseti félagsins, Jean-Michel Aulas, tjáði sig um áhuga Arsenal á leikmanninum á Twitter.
„Arsenal er langt frá því að bjóða það sem við teljum rétt verð fyrir hann. Við treystum á að hann verði leiðtogi hjá Lyon og hjálpi okkur að komast í Meistaradeildina að ári,“ sagði Aulas og virðist ólíklegt að leikmaðurinn sé á förum.