Jákvæðar fréttir úr herbúðum Liverpool

Þeir Sadio Mané og Thiago Alcantara hafa jafnaði sig af kórónuveirunni og snúið aftur til æfinga hjá enska knattspyrnufélaginu Liverpool en þetta kemur fram á heimasíðu félagsins.

Þá hefur Joel Matip, miðvörður félagsins, einnig jafnað sig á meiðslum og hafið æfingar að nýju en hann hefur ekkert komið við sögu með Liverpool á tímabilinu vegna meiðsla.

Liverpool heimsækir Everton í stórleik ensku úrvalsdeildarinnar á laugardaginn kemur en Everton er í efsta sæti deildarinnar með fullt hús stiga eða 12 stig eftir fyrstu fjórar umferðirnar á meðan Liverpool er með 9 stig í fimmta sætinu.

Naby Keita, miðjumaður Liverpool, greindist einnig með kórónuveiruna á dögunum, en hann hefur ekki ennþá jafnað sig á veirunni og er því áfram í einangrun.

• Blogga um frétt