Wayne Rooney, leikmaður og aðstoðarstjóri enska knattspyrnuliðsins Derby County og fyrrverandi landsliðsfyrirliði Englands, er kominn í tíu daga sóttkví eftir að hafa fengið heimsókn frá vini sínum sem reyndist vera smitaður af kórónuveirunni.
Maðurinn, sem hefur verið nafngreindur sem þekktur viðskiptajöfur, Josh Bardsley, kom í heimsókn til Rooneys síðasta fimmtudag, daginn fyrir leik Derby gegn Watford í ensku B-deildinni. Rooney spilaði leikinn, grunlaus um mögulegt smit, en frétti síðan að Bardsley hefði verið smitaður.
Bæði liðin voru sett í sóttkví í kjölfarið en Rooney hefur nú fengið niðurstöðu úr skimun og greint frá því að hann reyndist neikvæður. Hann þarf eftir sem áður að halda sig fjarri liðsfélögum sínum í tíu daga og missir af þremur leikjum fyrir vikið.
Just received the news that my covid-19 test has shown I do not have the virus. Delighted for myself and family but obviously angry and disappointed that I now have to self-isolate and miss vital games for @dcfcofficial
— Wayne Rooney (@WayneRooney) October 19, 2020
Svo vill til að í dag eru nákvæmlega 18 ár síðan 17 ára gamall Wayne Rooney sló í gegn með glæsilegu marki fyrir Everton gegn Arsenal og það má sjá hér fyrir neðan:
⏪ | "Remember the name - @WayneRooney!"#onthisday in 2002... #EFC 🔵 pic.twitter.com/wB17vNhBuQ
— Everton (@Everton) October 19, 2020