Hollenski varnarmaðurinn Virgil van Dijk verður frá keppni næstu mánuðina eftir meiðsli sem hann varð fyrir í leik Liverpool og Everton í ensku úrvalsdeilinni í fótbolta síðastliðinn laugardag.
Matt Holland sem lék á sínum tíma með Bournemouth, Ipswich og Charlton segir miðjumanninn Fabinho eiga að koma í miðja vörnina, en Fabinho hefur spilað stöðuna áður með góðum árangri.
Liverpool leikur gegn Sheffield United á heimavelli á laugardagskvöldið klukkan 19.
Mbl.is færir ykkur efni úr enska boltanum í samvinnu við Símann sport.