Kyle Walker reyndist hetja Manchester City þegar liðið heimsótti Sheffield United í ensku úrvalsdeildinni í knattspyrnu á Bramall Lane í Sheffield í dag.
Leiknum lauk með 1:0-sigri City en Walker skoraði sigurmark leiksins á 28. mínútu.
Raheem Sterling sendi þá boltann út fyrir teiginn, Walker lagði hann fyrir sig, og þrumaði honum af 25 metra færi í bláhornið fjær.
Ekki voru fleiri mörk skoruð í leiknum og City fagnaði þægilegum sigri en liðið er upp í sjöunda sæti deildarinnar í 11 stig með sigrinum.
Sheffield United er áfram í nítjánda sæti eða næst neðsta sætinu með 1 stig eftir fyrstu sjö leiki sína.
Sheffield United | 0:1 | Man. City | Opna lýsingu Loka | |
---|---|---|---|---|
90. mín. Leik lokið | ||||
Augnablik — sæki gögn... |