Cristiano Ronaldo, einn besti knattspyrnumaður sögunnar og leikmaður Juventus í ítölsku A-deildinni, hefur verið orðaður við brottför frá félaginu að undanförnu.
Í gær bárust fréttir af því að Juventus vildi losna vil leikmanninn til þess að lækka launakostnað hjá félaginu en margar stórstjörnur eru samningsbundnar Ítalíumeisturunum og launakostnaðurinn því í hærri kantinum.
Ronaldo var strax orðaður við Frakklandsmeistara PSG sem hafa lengi verið á eftir leikmanninum en hann er orðinn 35 ára gamall.
Ronaldo þénar í kringum 28 milljónir punda á ári sem samsvarar rúmlega fimm milljörðum íslenskra króna.
Stuðningsmenn United vonast til þess að sjá Ronaldo aftur á Old Trafford en Mirror greinir frá því að leikmaðurinn sé opinn fyrir því að ganga til liðs við enska félagið á nýjan leik.
„Stuðningsmenn félagasins eru stórkostlegir og ég væri til í að snúa aftur þangað einn daginn,“ sagði Ronaldo í viðtali árið 2014.
Ronaldo lék með United frá 2003 til ársins 2009 og skoraði 118 mörk í 292 leikjum fyrir félagið í öllum keppnum.