Útlit er fyrir að úrúgvæski framherjinn Edinson Cavani verði á ný í leikmannahópi Manchester United þegar liðið sækir Crystal Palace heim í ensku úrvalsdeildinni annað kvöld.
Cavani hefur misst af síðustu fjórum leikjum United, tveimur í Evrópudeildinni og tveimur í úrvalsdeildinni, eftir að hann meiddist í leik gegn WBA 14. febrúar.
Ole Gunnar Solskjær knattspyrnustjóri staðfesti í dag að Cavani væri orðinn heill heilsu og yrði að óbreyttu í hópnum annað kvöld. Paul Pogba væri hins vegar ekki byrjaður að æfa með liðinu á ný eftir meiðsli og yrði ekki með. Pogba meiddist í leik gegn Everton 6. febrúar.