Man. Utd valtaði yfir Leeds í fyrsta leik
Setja bókamerki
Manchester United byrjar með látum í ensku úrvalsdeildinni í fótbolta en liðið vann 5:1-heimasigur á erkifjendum sínum í Leeds í 1. umferðinni í dag.
Bruno Fernandes kom heimamönnum yfir á 30. mínútu með eina marki fyrri hálfleiks er hann slapp í gegn eftir sendingu frá Paul Pogba en seinni hálfleikur átti eftir að vera fjörlegri og Fernandes og Pogba voru rétt að byrja.
Luke Ayling jafnaði fyrir Leeds á 48. mínútu með glæsilegu skoti af 25 metra færi. Boltinn fór í innanvert hliðarnetið og átti David De Gea í marki Manchester United ekki möguleika.
Heimamenn voru snöggir að komast aftur yfir því Mason Greenwood skoraði aðeins tveimur mínútum síðar eftir glæsilega sendingu frá Paul Pogba og Fernandes bætti við sínu öðru marki og þriðja marki United skömmu síðar og staðan orðin 3:1 og Pogba kominn með þrjár stoðsendingar.
Manchester United hélt áfram að raða inn mörkum því Fernandes fullkomnaði þrennuna á 60. mínútu með glæsilegu skoti er hann slapp einn í gegn eftir sendingu frá Victori Lindelöf og Brasilíumaðurinn Fred gulltryggði 5:1-stórsigur Manchester-liðsins með síðasta markinu á 68. mínútu, enn og aftur eftir sendingu frá Pogba sem lagði upp fjögur mörk í leiknum.
| Man. Utd | 5:1 | Leeds |
|
|---|---|---|---|
| Það verða að minnsta kosti þrjár mínútur í uppbótartíma. | |||
Nemendur í HÍ reistu tjaldbúðir án leyfis
Telur forsendur fyrir vaxtalækkun
/frimg/1/29/32/1293273.jpg)
Ekki af baki dottinn og ætlar að opna B5 aftur
Gígbarmurinn hækkað frá því í gær
Skaut sex sinnum að feðginum á aðfangadagskvöld
„Höfum ekki náð að skríða upp úr þeirri gryfju“
Banna mengandi búnað sem leyfður er á Íslandi