Ítalska knattspyrnufélagið Juventus hefur hafnað 20 milljón punda tilboði enska félagsins Aston Villa í miðjumanninn Rodrigo Bentancur.
Sky in Italy segir að tilboð Villa hafi hljóðað upp á 16,5 milljónir punda ásamt allt að fjórum milljónum í bónusum eftir frammistöðu leikmannsins. Juventus vilji hinsvegar minnst 21 milljón punda fyrir Bentancur.
Bentancur er 24 ára gamall Úrúgvæi sem kom til Juventus árið 2017 frá Boca Juniors í Argentínu og hefur leikið 133 leiki í ítölsku A-deildinni, ásamt 46 landsleikjum fyrir Úrúgvæ.