Leikur Tottenham og Southampton í fyrstu umferð ensku úrvalsdeildarinnar í knattspyrnu sem hefst á Tottenham-leikvanginum í London klukkan 14.00 verður sýndur beint hér á mbl.is.
Útsendingin hefst kl. 13.30 með upphitun á Símanum Sport og er á sérvefnum Enski boltinn. Flautað er til leiksins klukkan 14.00.
Tottenham hafnaði í fjórða sæti deildarinnar á síðasta tímabili og vann sér inn sæti í Meistaradeild Evrópu en Southampton hafnaði í fimmtánda sæti, fimm stigum fyrir ofan fallsæti.