Í Vellinum á Símanum Sport í gær ræddu þau Gylfi Einarsson, Margrét Lára Viðarsdóttir og Tómas Þór Þórðarson um mikilvægi Cristiano Ronaldo og það sem gengið hefur á í kringum portúgölsku ofurstjörnuna.
Gylfi var hrifinn af því hvernig Erik ten Hag hefur höndlað mál Ronaldo eftir að hann neitaði að koma inn á gegn Tottenham og yfirgaf leikvanginn áður en lokaflautið gall.
Margrét Lára gat sett sig í spor Ronaldo, sem leikmaður sem hefur verið á seinni hluta ferilsins og sagði hann mikilvægan fyrir Manchester United.
„Spiltíminn verður minni og hann er tekinn út af á tímum þegar hann vill það ekki og fær ekki að byrja leiki sem hann vill byrja. Hann er frábær fótboltamaður og á einn farsælasta feril sem við þekkjum. Ég held að hann sé ofboðslega mikilvægur,“ sagði Margrét Lára.
Hann gerði náttúrulega klárlega mistök þegar hann strunsaði inn í klefann, það er klárt,“ sagði Gylfi.
Umræðurnar um Ronaldo má sjá í heild sinni í spilaranum hér að ofan.