Enska knattspyrnufélagið Brighton hefur hafnað tilboði Arsenal í miðjumanninn Moises Caicedo og segir að enginn leikmaður muni yfirgefa félagið á síðustu dögunum áður en lokað verður fyrir félagaskiptin.
Arsenal bauð Brighton 60 milljónir punda fyrir þennan 21 árs gamla miðjumann frá Ekvador sem Brighton fékk frá heimalandi sínu fyrir lítið fé fyrir tveimur árum.
Forráðamaður Brighton sagði við Sky Sports að enginn leikmaður væri á förum frá félaginu sem væri mjög ósátt við tilraunir til að koma ungum leikmanni liðsins úr jafnvægi.