Met á met ofan hjá Ricciardo

Daniel Ricciardo á Red Bull var í fantaformi í tímatökunni í Mónakó sem lauk rétt í þessu. Bætti hann brautarmetið hvað eftir annað og tryggði  sér ráspólinn. Hann var einnig hraðskreiðastur á æfingunum þremur fram að tímatökunni.

Ricciardo var allan tímann í dag og fimmtudag í sérflokki. Að vísu veitti liðsfélagi hans, Max Verstappen, öfluga viðspyrnu á æfingunum en hann gat ekki tekið þátt í tímatökunni þar sem ekki tókst að skipta um gírkassa í bíl hans í tæka tíð. Orsök þess var að hann ók utan í öryggisvegg á æfingunni í morgun og skemmdi gírkassann við það. Hefur Verstappen því keppni úr síðasta sæti á morgun.

Í allra síðustu atlögu að tíma skaust Sebastian Vettel á Ferrari upp fyrir Lewis Hamilton á Mercedes. Fjórði varð svo Kimi Räikkönen á Ferrari og fimmti landi  hans Valtteri Bottas á Mercedes.

Í sætum sex til tíu -í þessari röð - urðu Esteban Ocon á Force India, Fernando Alonso á McLaren, Carlos Sainz á Renault, Sergio Perez á Force India og Pierre Gasly á Toro Rosso.  Litlu munaði á flestum bílanna og slagurinn um sæti á rásmarki lengstum jafn og tvísýnn.

mbl.is
L M Stig
1 Rússland 2 8 6
2 Úrúgvæ 2 2 6
3 Egyptaland 2 1 0
4 Sádi-Arabía 2 0 0
L M Stig
1 Spánn 2 4 4
2 Portúgal 2 4 4
3 Íran 2 1 3
4 Marokkó 2 0 0
L M Stig
1 Danmörk 2 2 4
2 Frakkland 1 2 3
3 Ástralía 2 2 1
4 Perú 1 0 0
L M Stig
1 Króatía 1 2 3
2 Ísland 1 1 1
3 Argentína 1 1 1
4 Nígeria 1 0 0
L M Stig
1 Serbía 1 1 3
2 Sviss 1 1 1
3 Brasilía 1 1 1
4 Kostaríka 1 0 0
L M Stig
1 Svíþjóð 1 1 3
2 Mexíkó 1 1 3
3 Þýskaland 1 0 0
4 Suður-Kórea 1 0 0
L M Stig
1 Belgía 1 3 3
2 England 1 2 3
3 Túnis 1 1 0
4 Panama 1 0 0
L M Stig
1 Senegal 1 2 3
2 Japan 1 2 3
3 Pólland 1 1 0
4 Kólumbía 1 1 0
Sjá alla riðla