Formúluliðunum hefur verið bannað að tjalda fyrir bílskúra sína við þróunarakstur sem hefst í Barcelona í næstu viku.
Hingað til hefur af hálfu formúlunnar ekki verið litið á þróunaraksturinn sem atburð. Að sögn ítalska íþr´totadagblaðsins La Gazzetta dello Sport er breyting orðin þar á.
„Reynsluaksturinn fyrir upphaf keppnistímabilsins er orðinn að formlegum viðburði. Nún stýrir yfirvald formúlunnar honum. Og meðal breytinga sem það hefur í för með sér er að skermar sem lokað hafa bílskúrana af hafa verið upprættir og bann lagt við notkun þeirra,“ segir blaðið.