Vivianne Miedema, leikmaður Arsenal, kom til bjargar fyrir Evrópumeistara Hollands þegar liðið gerði 1:1 jafntefli í riðli okkar Íslendinga í undankeppni HM kvenna í knattspyrnu í kvöld.
Riðillinn fór af stað í kvöld og gerði Holland jafntefli gegn Tékklandi 1:1. Óvænt úrslit þótt Tékkland hafi náð góðum úrslitum í síðustu undankeppni HM. Þá var Tékkland einnig með Íslandi í riðli og gerðu liðin tvívegis 1:1 jafntefli.
Andrea Staskova kom Tékklandi yfir í upphafi síðari hálfleiks í kvöld en Miedema jafnaði á 83. mínútu.
Í C-riðli Ísland fór fram annar leikur en þar burstaði Hvíta Rússland lið Kýpur 4:1 í Hvíta-Rússlandi. Ísland tekur á móti Hollandi í Laugardalnum eftir fjóra daga.