Forsetar knattspyrnusambanda Spánar, Portúgal og Úkraínu, staðfestu í sameiningu á blaðamannafundi í dag að þau muni í sameiningu sækja um að halda HM 2030 í knattspyrnu karla.
Í gær var greint frá því að það stæði til að Úkraína myndi bætast í hópinn eftir að Spánn og Portúgal höfðu tilkynnt það fyrir tveimur árum síðan að þjóðirnar myndu fara þess á leit við FIFA að fá að halda HM 2030.
„Hið konunglega spænska knattspyrnusamband og portúgalska knattspyrnusambandið hafa fellt knattspyrnusamband Úkraínu inn í umsókn þjóða Íberíuskaga um að fá að skipuleggja HM 2030,“ sagði meðal annars í yfirlýsingu frá Knattspyrnusambandi Spánar.