Skyndibitakeðjan KFC skaut föstum skotum að knattspyrnumanninum Cristiano Ronaldo á samfélagsmiðlinum Twitter í gær.
Ronaldo, sem er 37 ára gamall, er sagður vera að ganga til liðs við sádiarabíska félagið Al-Nassr þar sem hann mun þéna í kringum 200.000 milljónir evra í árslaun.
Forráðamenn enska úrvalsdeildarfélagsins Manchester United riftu á dögunum samningi leikmannsins eftir að hann fór í viðtal hjá fjölmiðlamanninum Piers Morgan þar sem hann gagnrýndi forráðamenn félagsins, stjórann Erik ten Hag og yngri leikmenn liðsins.
Al-Nassr er sagt eitt af fáum félögum sem vilji semja við portúgölsku stórstjörnuna en hann er nú staddur á HM í Katar með portúgalska landsliðinu.
„Ronaldo yrði ágætis varaskeifa fyrir Aboubakar,“ tísti KFC í gær en Vincent Aboubakar, framherji kamerúnska landsliðsins, er samningsbundinn Al-Nassr í Sádi-Arabíu.
Decent back up to Aboubakar tbf https://t.co/2ggR9eV76K
— KFC UK (@KFC_UKI) December 5, 2022