Danski knattspyrnumaðurinn Mohamed Daramy fer ekki með landsliði sínu á Evrópumótið í Þýskalandi í sumar.
Daramy, sem leikur hjá Reims í efstu deild Frakklands, meiddist illa í vináttulandsleik gegn Færeyjum undir lok mars á þessu ári.
Síðan þá hefur hann ekki spilað með Reims í Frakklandi og staðfesti Kasper Hjulmand, landsliðsþjálfari Dana, það að hann yrði ekki með á Evrópumótinu við Bold í dag.
Daramy er 22 ára gamall kantmaður sem á að baki tíu landsleiki. Þá var búist við því að hann yrði í stóru hlutverki hjá danska landsliðinu í sumar.
Danmörk er með Slóveníu, Englandi og Serbíu í C-riðli Evrópumótsins.