Árlega opna Christensen-mótið í skotfimi var haldið í Egilshöllinni í Grafarvogi í gær. Íris Eva Einarsdóttir sigraði í keppni með loftriffli með 602,3 stig, í öðru sæti varð Jórunn Harðardóttir með 599,7 stig. Guðmundur Helgi Christensen hafnaði í þriðja sæti með 597,7 stig en þau koma öll úr Skotfélagi Reykjavíkur.
Í keppni með loftskammbyssu sigraði Ásgeir Sigurgeirsson úr Skotfélagi Reykjavíkur með 570 stig, í öðru sæti varð Ívar Ragnarsson úr Skotíþróttafélagi Kópavogs með 563 stig og í þriðja sæti Jórunn Harðardóttir úr Skotfélagi Reykjavíkur með 554 stig.