Sóley Evrópumeistari með yfirburðum
Sóley hlýðir á þjóðsöng lands elds og ísa með hönd á brjósti. Þessi helöfluga unga lyftingakona hefur hlaðið á sig verðlaunum á mótum undanfarið, varð Íslandsmeistari í bekkpressu fyrir réttum hálfum mánuði.
Ljósmynd/Lára Bogey Finnbogadóttir
Setja bókamerki
Sóley Margrét Jónsdóttir kraftlyftingakona varð rétt í þessu Evrópumeistari í +84 kg flokki í kraftlyftingum í Thisted í Danmörku og sigraði keppinauta sína tvo í flokknum, þær Valentynu Zahuriuko frá Úkraínu og Amalie Larsson frá Danmörku, með yfirburðum.
Lyfti Sóley 270 kg í hnébeygju, 182,5 í bekkpressu og 207,5 í réttstöðulyftu, samtals 660 kg, hlaut gullverðlaun í fyrstu tveimur greinunum og silfur í réttstöðunni. Var sigur hennar með töluverðum yfirburðum þar sem þær Zahuriuko og Larsson lyftu 622,5 og 577,5 kg í samanlögðu.
Rætt verður við Sóleyju hér á mbl.is síðar í dag en þess má geta að hún er aðeins 21 árs og því „unglingur“ í aldursflokkaskiptingu keppniskraftlyftinga en keppir þó í fullorðinsflokki.
Óánægja er með áform um efnistöku
Vangaveltur gengu lengra en innistæða var fyrir
Hætta vegna jarðfalls í sprungur metin töluverð
Komu saman á kyrrðar- og bænastund
Davíð Viðarsson var skyndihugdetta
Mikill útflutningur frá Vestfjörðum
Finnar og Svíar taka ekki á móti særðum frá Gasa