HK, sem verður nýliði í úrvalsdeild karla í handknattleik á næsta keppnistímabili, heldur áfram að stækka hóp sinn fyrir átökin á komandi vetri.
Eiríkur Guðni Þórarinsson, 19 ára gamall línumaður úr Val, er genginn til liðs við HK og hefur skrifað undir tveggja ára samning. Eiríkur lék með ungmennaliði Vals í 1. deildinni á nýliðnu tímabili og hefur spilað með yngri landsliðum Íslands.