Danska stórstjarnan Mikkel Hansen, einn besti handknattleiksmaður heims, er orðinn stúdent en hann fékk hvítu húfuna um helgina eftir að hafa klárað stúdentspróf við Vestskoven-skólann í Albertslund.
Hansen er 32 ára gamall og spilar með franska stórliðinu PSG, þar sem hann var liðsfélagi Guðjóns Vals Sigurðssonar á síðustu leiktíð. Hann var kjörinn besti handboltamaður Danmerkur í sjötta skipti fyrr á árinu og hefur verið lykilmaður í landsliðinu þar um árabil.