Landsliðsmennirnir Viggó Kristjánsson og Bjarki Már Elísson eru í öðru og þriðja sæti yfir markahæstu menn í þýsku 1. deildinni í handknattleik, sterkustu deild heims.
Viggó er nú næstmarkahæsti leikmaður deildarinnar með 29 mörk fyrir Stuttgart í fyrstu fjórum umferðunum og Bjarki Már er á hælum hans með 28 mörk í þriðja sætinu.
Bjarki varð markakóngur deildarinnar á síðasta tímabili. Niclas Ekberg leikmaður Kiel er markahæstur með 31 mark.