Karlalið Kríu í handknattleik leitar að nýjum heimavelli fyrir liðið sem á keppnisrétt í úrvalsdeild karla á Íslandsmótinu næsta vetur.
Kría setti inn færslu á Twittersíðu liðsins í kvöld þar sem fram kemur að liðið verði ekki á Seltjarnarnesi eins og síðustu tvö ár.
Grótta frá Seltjarnarnesi er í úrvalsdeild karla og ef til vill er ekki pláss fyrir tvö úrvalsdeildarlið í sömu húsakynnum.
„Hvað lið/bæjarfélag vill lið í Olís-deildinni?“ er spurt í lok færslunnar en Kría vann sér fyrr í sumar sæti í efstu deild næsta vetur ásamt HK eftir úrslitakeppnina í næstefstu deild.
Kríu vantar heimili!
— Kría - Handbolti (@KHandbolti) June 24, 2021
Eftir 2 góð ár fengum við þær fréttir í hádeginu frá @Grottahandbolti að ekki væri pláss fyrir okkur á Nesinu. Við þökkum Gróttu fyrir samstarfið og góðar minningar.
Við hefjum nýtt upphaf annarsstaðar.
Hvaða lið/bæjarfélag vill lið í Olís deildinni? 😅 pic.twitter.com/VKz9HGdBX9