Aron ekki sáttur (myndskeið)

Aron Pálmarsson.
Aron Pálmarsson. mbl.is//Hari

Aron Pálmarsson, fyrirliði íslenska landsliðsins í handknattleik, er ekki sáttur við forráðamenn Alþjóðahandknattleikssambandsins.

Íslendingar mæta Þjóðverjum í milliriðli heimsmeistaramótsins í München annað kvöld, sólarhring síðar verða Frakkar mótherjarnir og á miðvikudaginn lið Brasilíumanna.

„Þetta verða þrír frábærir leikir við sterka mótherja. Við spilum á laugardaginn og sunnudaginn á móti tveimur af bestu liðum heims. Það er svolítið brjálað leikjaplan og í framtíðinni vona ég að þeir hugsi meira um leikmenn en um sig sjálfa,“ sagði Aron í viðtal við netmiðilinn handball-planet eftir sigurinn gegn Makedóníu í gær.

mbl.is

Bloggað um fréttina