Draumur Bandaríkjamanna að vinna sinn fyrsta ólympíumeistaratitil í íshokkí karla í 38 ár varð að engu í nótt.

Bandaríkjamenn töpuðu fyrir Tékkum í átta liða úrslitunum, 3:2, þar sem úrslitin réðust í vítakeppni. Petr Koukal skoraði eina markið í vítakeppninni og skaut þar með Tékkum áfram í undanúrslitin en Pavel Francouz, markvörður Tékkanna, hélt marki sínu hreinu í vítakeppninni.

Tékkar, sem eiga möguleika á að vinna sín fyrstu verðlaun á Vetrarólympíuleikum í 20 ár, mæta Rússum eða Norðmönnum í undanúrslitunum á föstudaginn en Rússar og Norðmenn eigast við síðar í dag í átta liða úrslitunum.

Tengdar fréttir

Vetrarólympíuleikar 2018

Lokaathöfn Vetrarólympíuleikanna - myndasyrpa

• Sú sigursælasta fékk síðasta gullið
• Rússar fögnuðu eftir framlengingu
• Snorri mun bera fána Íslands
• Heimamenn atkvæðamiklir í skautaati

» Fleiri tengdar fréttir

• Blogga um frétt