Íslenska kvennalandsliðið í körfubolta skipað leikmönnum 20 ára og yngri vann síðasta leik sinn á Evrópumótinu sem fram fer í Ísrael og tryggði sér í leiðinni 11. sætið. Ísland hafði betur gegn Írlandi, 64:54.
Thelma Dís Ágústsdóttir var stigahæst í íslenska liðinu með 14 stig og Þóra Kristin Jónsdóttir var með 12 stig.
Íslenska liðið var 21:14 undir eftir fyrsta leikhluta en yfirburðir í öðrum leikhluta lögðu grunninn að góðum sigri.