Þórsarar úr Þorlákshöfn sóttu topplið Njarðvíkinga heim í Dominos-deild karla í körfuknattleik kvöld og höfðu ekki erindi sem erfiði í þeirri för. Þrátt fyrir hetjulega baráttu frá Þórsurum þurftu þeir að játa sig sigraða á lokaspretti leiksins og lokastaðan 82:76.
Njarðvíkingar eru því áfram á toppnum í Dominos-deildinni, tveimur stigum á undan Tindastóli.
Njarðvíkingar leiddu með 6 stigum í hálfleik en í seinni hálfleik voru Þórsarar sterkari og voru með forystuna allt til loka fjórða leikhluta þar sem bensínið virtist á þrotum hjá þeim og Njarðvíkingar gengu á lagið og kláruðu með sigri. Jeb Ivey leiddi Njarðvíkinga að þessu sinni með 19 stig en hjá Þórsurum var það Kinu Rochford sem skoraði 20 stig.
Ljónagryfjan, Úrvalsdeild karla, 10. janúar 2019.
Gangur leiksins:: 2:4, 14:9, 20:17, 23:20, 30:20, 34:27, 39:35, 43:38, 45:46, 50:52, 52:57, 56:59, 61:64, 66:68, 74:72, 82:76.
Njarðvík: Jeb Ivey 19, Elvar Már Friðriksson 18/6 fráköst/6 stoðsendingar, Ólafur Helgi Jónsson 12/4 fráköst, Mario Matasovic 8/8 fráköst/3 varin skot, Kristinn Pálsson 7/4 fráköst, Maciek Stanislav Baginski 7/5 fráköst, Julian Rajic 5/4 fráköst, Veigar Páll Alexandersson 3, Adam Eiður Ásgeirsson 3.
Fráköst: 29 í vörn, 4 í sókn.
Þór Þ.: Kinu Rochford 20/8 fráköst, Nikolas Tomsick 20/6 fráköst, Halldór Garðar Hermannsson 14/4 fráköst, Jaka Brodnik 11, Davíð Arnar Ágústsson 10/5 fráköst, Ragnar Örn Bragason 1.
Fráköst: 23 í vörn, 5 í sókn.
Dómarar: Kristinn Óskarsson, Jóhannes Páll Friðriksson, Jóhann Guðmundsson.
Áhorfendur: 400