Miami Heat styrkti enn stöðu sína í toppbaráttu Austurdeildar NBA í körfubolta í nótt með því að sigra Atlanta Hawks 135:121 í framlengdum leik á Flórída. Gestirnir frá Atlanta skoruðu aðeins fjögur stig í framlengingunni en staðan var 117:117 eftir venjulegan leiktíma.
Miami hefur þar með unnið alla ellefu heimaleiki sína á tímabilinu. Bam Adebayo var með þrefalda tvennu fyrir Miami, sína fyrstu á ferlinum í NBA, en hann skoraði 30 stig, tók 11 fráköst og átti 11 stoðsendingar.
Philadelphia 76ers er líka áfram með fullt hús stiga á heimavelli eftir sigur á Denver Nuggets, 97:92. Philadelphia hefur unnið alla 13 heimaleikina en Joel Embiid var atkvæðamestur hjá liðinu með 22 stig, 10 fráköst og 6 stoðsendingar.
Úrslitin í nótt:
Charlotte - Washington 114:107
Philadelphia - Denver 97:92
Miami - Atlanta 135:121 (eftir framlengingu)
Portland - New York 115:87