Landsliðskonan Sara Rún Hinriksdóttir átti góðan leik fyrir Leicester Riders er liðið hafði betur á heimavelli gegn Nottingham Wildcats í breska deildabikarnum í körfubolta í dag.
Sara skoraði 11 stig, tók 6 fráköst og gaf 4 stoðsendingar á hálftíma. Leicester hefur farið vel af stað í deildabikarnum og unnið þrjá af fyrstu fjórum leikjum sínum.
Sara og stöllur hennar verða aftur í eldlínunni á mánudaginn kemur er liðið mætir London Lions.