CBS hélt því fram í gærkvöldi að Los Angeles Lakers væri á góðri leið með að næla í einn öflugasta leikmann deildarinnar, Russell Westbrook. Lakers er í viðræðum við Washington Wizards sem Westbrook lék með á síðasta tímabili.
CBS telur að Lakers muni láta þrjá menn í staðinn: Kentavious Caldwell-Pope, Kyle Kuzma og Montrezl Harrell, auk valréttar í fyrstu umferð nýliðavalsins í ár.
Westbrook er 32 ára og varð stigahæsti leikmaður NBA 2015 og 2017.