Næstkomandi laugardag mun danskeppni Reykjavíkurleikanna fara fram í endurbættri Laugardalshöll. Keppendur koma frá Norðurlöndunum til að etja kappi við sterkustu dansara Íslands.
Keppni hefst um 9 um morguninn með barnadönsum og enda í sterkum og flottum keppnisdönsurum en um kvöldið er boðið upp á glæsilega liðakeppni.
Danmörk vann liðakeppnina á RIG í fyrra en nú verður spurning hvort Ísland nái að endurheimta efsta sætið. Þau Malthe Brinch og Sandra Sörensen unnu í latíndönsum í fyrra en þau voru í 7. sæti á Heimsleikunum síðastliðið sumar. Þau munu vera með þeim Dimitri Kolobov og Signe Busk í liði, en þau eru í 4. sæti á alþjóðlega heimslistanum í Ballroom.
Hér að neðan má sjá liðin.
Svíþjóð
Latín: Per Almberg og Emese Bengtsberg
Ballroom: Sasha Pagor og Kathrina North
Danmörk
Latín: Malthe Brinch Rohde og Sandra Sörensen
Ballroom: Signe Busk og Dimitri Kolobov
Noregur
Latin: Sverre Fjellstad og Ronja Östevik
Ballroom: Jonas A. Pettersen og Kristy Puusep
Finnland
Latin: Leo Pusa og Inka Hakomäki
Ballroom: Miikka Ahonen og Tuuli Tolvanen
Ísland
Íslenska liðið ræðst fyrr um daginn í keppninni, en efstu pörin í latin og ballroom frá Íslandi vinna sér inn sæti í landsliði Íslands sem keppir um kvöldið og því mjög spennandi að horfa á keppnina um daginn.
Liðakeppnin verður sýnd í beinni útsendingu á RÚV kl 20.10 laugardaginn 4. febrúar nk. Hægt er að kaupa miða á viðburðinn hér.