Byko áfrýjar til Landsréttar
Setja bókamerki
Byko hefur ákveðið að áfrýja til Landsréttar dómi Héraðsdóms Reykjavíkur í máli Samkeppniseftirlitsins gegn fyrirtækinu.
Héraðsdómur staðfesti niðurstöðu Áfrýjunarnefndar samkeppnismála um að Byko hafi framið alvarleg brot á samkeppnislögum og dæmdi fyrirtækið til að greiða 400 milljóna króna sekt. Nefndin hafði áður dæmt það til þess að greiða 65 milljónir króna.
„Niðurstaða héraðsdóms veldur vonbrigðum og við munum áfrýja dóminum til Landsréttar enda sannfærð um sakleysi fyrirtækisins. Héraðsdómur kemst að annarri niðurstöðu en áfrýjunarnefnd samkeppnismála um fjárhæð sekta og hækkar sektir margfalt eða úr 65 milljónum króna í 400 milljónir króna,” segir í tilkynningu frá Sigurði B. Pálssyni, forstjóra Byko.
„Héraðsdómur byggir að stórum hluta á dómi Hæstaréttar frá árinu 2016 í málaferlum gegn starfsfólki sem hlut átti að þessu sama máli. Sá dómur var að okkar mati óréttlátur og vankantar á málsmeðferð. Í gær barst okkur tilkynning um að Mannréttindadómstóll Evrópu hefði fallist á að taka ákveðna þætti í dómi Hæstaréttar til efnislegrar meðferðar.“
Banna mengandi búnað sem leyfður er á Íslandi
„Höfum ekki náð að skríða upp úr þeirri gryfju“
Frambjóðendur skila inn listum í Hörpu
Gígbarmurinn hækkað frá því í gær
Krefjast stöðvunar framkvæmda
Mál hjúkrunarfræðingsins fer aftur fyrir héraðsdóm
Vonast til að tjaldbúðir við HÍ standi áfram
Skaut sex sinnum að feðginum á aðfangadagskvöld