Hagnaður Rio Tinto, sem meðal annars á álverið í Straumsvík, nam 10,4 milljörðum Bandaríkjadala á síðasta ári. Fyrirtækið stefnir að því að verða kolefnishlutlaust árið 2050.

Stefnt er að því að draga úr kolefnislosun þess um 15% fyrir 2030. Þetta á við um eigin starfsemi Rio Tinto. Setja á um einn milljarð Bandaríkjadala í verkefni tengd loftslagsmálum næstu fimm árin. Meðal annars verði reynt að draga úr vatnssóun, virkja sólar- og vindorku frekar og draga úr mengun frá álframleiðslu Rio Tinto. 

Í afkomutilkynningu Rio Tinto er fjallað um stöðu Ísal og erfiða stöðu áliðnaðarins á alþjóðlegum mörkuðum vegna lítils hagnaðar innan greinarinnar. Áfram verði unnið að því að reyna að gera álverksmiðjur félagsins arðbærari meðal annars með viðræðum um raforkuverði á Íslandi og Eyjaálfu. Vísað er til tilkynningar félagsins frá 12. febrúar en þar kom fram að Rio Tinto hyggst hefja sér­staka end­ur­skoðun á starf­semi ál­vers­ins í Straums­vík (ISAL) til að meta rekstr­ar­hæfi þess til framtíðar og leita leiða til þess að bæta sam­keppn­is­stöðu þess.

Neikvæð áhrif álversins í Straumsvík og Kitimat álversins í Kanada á rekstur Rio Tinto nam 68 milljónum Bandaríkjadala, sem svarar til 8,8 milljarða króna.

Frétt af mbl.is

Skoða mögulega lokun álversins

Vísað er til sölu á Isal til Norsk Hydro en hætt var við kaupin vegna ytri aðstæðna. Eft­ir það sölu­ferli hafi fé­lagið aft­ur verið sett í sölu­ferli, en ekki hafi orðið sala úr því. Um mitt síðasta ár var álverið ekki lengur metið sem söluhæf vara hjá Rio Tinto. 

Tilkynning Rio Tinto

Tengdar fréttir

Rio Tinto end­ur­skoðar starf­semi ál­vers­ins í Straums­vík

Breytir engu fyrir núverandi rekstur

• Kröfu hafnað en starfsleyfi skorið niður
• Hafa sótt um nýtt starfsleyfi í Straumsvík
• Endurspeglar svartsýni en rétt að túlka varlega
• Framtíðarvirði ÍSAL fært niður að fullu

» Fleiri tengdar fréttir

• Blogga um frétt